經常喺facebook出帖「抽水」嘅自由黨榮譽主席田北俊，中秋節都唔偷懶，噚日喺fb又出「抽水帖」。佢留言話呀，同家人一齊吃飯慶中秋，飯前當然先飲杯雞尾酒（cocktail），跟住就問網民會飲邊一款，並附上cocktail menu嘅圖片。八方睇睇吓，覺得有景轟，原來其中有一款飲品叫做「香港689」。嗱嗱嗱，田少最終冇透露，自己揀咗邊一款㗎，但網民當然好知田少心意，群起叫佢飲「香港689」，點解呢？因為「好多人都想食咗呢個人」。
原來呢個「趣味」cocktail menu嚟自中環PMQ元創方嘅餐館「料理農務」，係由G.O.D.聯乘餐廳Locofama開設。除咗「香港689」之外，仲有「捱騾仔」同「龍的傳人」等有趣飲品。