前冠軍騎師潘頓，在對上兩季都係替蘇保羅馬房贏馬最多之騎師，而且合作往往貴精不貴多，故此能保持特高之上名率。以上季為例，兩人只合作40次，交出11勝14位，三甲率高達62.5%。踏入今季蘇保羅、潘頓只合作過一匹「競技英雄」即勝。今期(28日)賽事練者將「勝捷勝」及「好主意」齊齊交由潘頓操刀，可以信賴作為重心，間接向馬迷派錢。
第一場「勝捷勝」曾七次配潘頓上陣，取得三冠三季一第五，次次都有獎金收，用其他騎師未贏過，證明幕後搵得潘頓上陣，乃出擊訊號。上仗臨時易配何澤堯雖無功，卻正好收熱身之效，今仗回配潘頓上陣，繼續報跑最擅長之田草1200米，贏馬機會甚大。
至於第九場「好主意」轉投蘇保羅馬房後，在上季煞科日首度登場，即在潘頓胯下入Ｑ，僅以短頭不敵當起之「贏男」，可算敗不足辱，人馬至今四次合作獲三亞，這次操足再臨，有力取得轉投蘇廐後首場頭馬。