楊思琦早前被拍到跟富商同車，被指介入別人的婚姻，前晚她在數碼港接受譚玉瑛的訪問，她解釋說：「朋友嚟啫，我哋當日約埋其他朋友食嘢，佢join埋一齊上車，知道你哋有行家影，最終大家冇去到。」當日她被拍到匿藏車後座，她說：「唔係匿埋，只係唔想影響到人。」提到富商已有家室，思琦說：「係呀，不過我唔識佢太太，係朋友嘅朋友，不過都嚇親人，真係唔好見住，因為我自己都驚，有同佢講聲唔好意思。」
不過，報道指富商接載思琦一事，她說：「架車唔係富商，其實係我請咗司機，送小朋友返學，順便經過就車埋，架車係司機嘅。」對於感情事，思琦覺得一切順其自然，因為她工作很忙，又要照顧女兒，不能強求。
採訪、攝影：盧妹