【似】牽牛：「拿馬迪爾與亨利比較，確實對前者不公，亨利登陸英超前，起碼經過了世盃洗禮，是法國冠軍成員之一，在祖雲達斯磋跎了半季，轉投阿仙奴壓力也不如馬迪爾大。相反馬迪爾首戰在雙紅會出場，又在修咸頓梅開二度，要知道今日對住馬迪爾的鏡頭，比亨利99年登陸英超多十倍百倍，19歲仔，所承受壓力更大，但馬迪爾仍能自信建功，『大心臟』與年紀不成正比。」
【似】林嘉緯（傑志中場）：「馬迪爾只為曼聯踢過幾場，較令球迷驚喜是從法甲轉到競爭性與踢法完全不同的英超，竟可快速適應環境，並發揮本身水準，這點相當困難，而他喜歡推波入禁區射門，確實與亨利有點相似。」
【唔似】青蛙仔：「馬迪爾初初嚟曼聯時，冇人知佢係乜水，咁啱佢球處子入波好有亨利feel，英國傳媒就食住條水，搵佢似亨利呢個talking point嚟煲吓。講真，叫親『新乜乜』嘅都冇好下場，相信曼聯同法國球迷都寧願馬迪爾可以建立自己嘅風格，唔做『新亨利』囉。」
【唔似】華素爾：「潮流興造星，家陣實在太多『新美斯』、『新C朗』，馬迪爾嗰吓右腳入波確實有亨利嘅神髓，但要媲美『高貝利王帝』，始終要年月證明自己入球效率有番咁上下先pass。」