前天文台台長林超英（圖）近日喺fb自爆退休後高咗3cm，絕對係違反人類自然定律，引嚟好多網友畀like，有人恭喜佢因為唔使再「為五斗米折腰」，所以即時增高。其實退休後會長高，醫學上真係好難解釋，但林超英就話係醫院幫佢度高時發現，相信係以前做公務員工作壓力大，所以令人變矮。此話一出，全港退休公務員，咪要即刻走去度高，睇吓自己有冇神奇增高囉？其實上班族成日打電腦、睇文件、姿勢唔正確或冇休息，都易有寒背、圓肩問題。退休後冇咁辛苦，梗可以挺起胸膛做人啦，不過信不信由你。