生命是一種繼承，有離開的，也有新生命到來，吳彥祖（Daniel）前年為了迎接女兒的出生停工了半年，去年為了哀悼母親癌病離世又休息了一段日子。令他走出困境的是一部電影劇本，以癌症作故事的電影《滾蛋吧！Mr. Tumor》令人不期然想到韓式催淚故事，一向反韓劇誇張煽情的吳彥祖，今次接演電影自療傷痕，沒有韓式悲情，只有樂觀面對人生。
撰文：張俊銘
上映日期：10月8日
去年因為媽媽患癌病逝，而導致情緒低落的吳彥祖，原先決定休息一段長時間撫平傷痛，突然接獲講述樂觀面對癌症的感人真實故事改編電影《滾蛋吧！Mr.Tumor》，Daniel決定將對媽媽思念及傷痛投放於戲中，通過白百何演活積極正面的癌症病人角色，令飾演醫生的吳彥祖得以治療撫平傷痛，改變人生觀。
遇好劇本走出低谷
獲Daniel激讚演技了得的白百何，演活了樂觀面對癌症，勇氣勝於任何人的態度，同時給予身邊人快樂感覺，令飾演為白百何治病醫生的Daniel有重大領悟，Daniel說：「佢雖然有癌症，知道自己會死，但係佢想人知道佢嘅正面想法。」戲中白百何的角色熊頓原本是名插畫師，她將自己積極面對癌症的態度及歷程寫下成書，在她離世後被拍成電影，吳彥祖說：「白百何係非常勁嘅演員，要演到呢個角色係非常難，表面上好樂觀，但心底係有唔開心，要演係好難，佢知道自己有癌症係會死，佢唔想身邊人唔開心，佢想大家記得佢開心一面，佢呢個角色唔係好多人會演到。」
對於為何接拍此醫生角色，Daniel解釋說：「媽咪唔夠半年前都係有癌症走咗，我自己嘅感情好新鮮，嗰段時間心情好低落，唔諗住再拍戲，諗住等回復狀態先至做番嘢，所以推咗好多劇本，點知我睇到呢個戲名好得意，睇到劇本同我最近期發生嘅經歷好有關係。」Daniel指最重要是帶出的訊息有意義，他認為值得拍，Daniel說：「我驚拍緊戲嘅時候，好多對媽咪嘅感覺回憶走番出嚟，最終亦係有咁嘅情況，但反而幫咗我醫番好自己。」
女主角患癌而正面態度面對，令Daniel對媽媽的離去有更多思想空間，Daniel說：「啱啱發現我媽咪病咗，醫生話佢有半年至一年命，我哋大家有心理準備，點知兩個月就走咗，大家都好失落好突然，我一直喺醫院陪住佢，冇時間諗自己，就算走咗之後都要安排後事，安排我爸爸生活，返到香港靜落嚟自己情緒先至爆發。」Daniel指他通過今次拍戲思考，令他慢慢重拾心情，Daniel說：「喺我心入面穿咗個窿，𠵱家埋番口，個疤痕喺度，已經冇咁痛，不過永遠喺度，人生就係咁，點都要面對keep住行。」
時間寶貴家庭第一
Daniel透露，現在身為人父及丈夫，盡量多抽時間陪家人，他說：「以前工作第一，家庭、愛情擺喺三、四、五位，𠵱家知道要珍惜時間，搵幾個錢有幾高地位都換唔番，𠵱家會分配時間平衡番，以前一年拍三、四部戲，𠵱家一部兩部就夠，唔需要咁貪心，因為屋企人時間最寶貴。」
吳彥祖與白百何於戲中一場扮演韓劇，Daniel花六星期背誦韓文對白，他說：「韓文好難發音，我自己都唔知講乜，只係大概跟番老師方法死背，現場有一個工作人員識講韓文，我每逢拍完都問佢聽唔聽得明。」Daniel指自己不太喜歡看韓劇，因為故事太過極端，與現實生活很不一樣，有機會可以諷刺韓劇，反而覺得好玩。
化妝：Jane Leung
髮型：Projetz4 of Alex Chan
場地提供：雲來軒