鄉議局噚日舉行國慶66周年酒會，主席劉業強致辭時話，回歸後，一國兩制、港人治港同高度自治取得顯著成果，但有前朝遺老依戀過去，企拖港府管治嘅後腿，政治上搞小動作，強調「鄉議局絕唔會對反中亂港嘅行為袖手旁觀，唔會支持同容許呢啲人喺新界搞事」，佢仲話「鄉議局係政府可靠嘅夥伴同堅強嘅後盾」！八方聽到劉主席似乎講緊班反水貨光復行動支持者！不過其實呢幾年不乏原居民為爭取權益，用封村、封路向政府抗議，搞到政府都好頭痕，唔知劉主席又點處理呢？