【科技籽：出閘搜新】
iPhone 6s昨日首賣，相信身為果粉的你早已訂購，甚至一機在手盡情試用其新功能，包括3D Touch、4K拍攝及Live Photos等。不過，若然新機尚未到手，甚至仍在心大心細未知換機與否，不妨參考森美、志雲大師、周博賢及青姐對iPhone 6s的評價，再作決定吧。
先達直擊燶味
每逢iPhone開賣首日，先達總是人頭湧湧、爭相放機。由於開賣之前各界早已看淡iPhone 6s及6s Plus的炒風，甚至有言未炒先「燶」，為此記者昨晨來到先達門外實地視察，果然沒有令人失望，燶味甚濃，炒機水位不斷降低。
昨晨8時左右，先達門外已有數個街檔收機，但每部6s Plus的放機水位僅得$2000，而且只收64GB或128GB的金色及玫瑰金色機身，是「市況」最差的一年。半小時後，大多街檔已經收夠，水位只剩$500至$1000，9時左右更跌至$300，幾乎平手離場。不少市民都跟檔主討價還價，希望賺得$100得$100，可惜對方一於企硬，「我都唔怕冇機收，𠵱家唔放，晏啲平手離場啦你！」
電台DJ森美：
鏡頭升級 媲美機仔
不說不知，森美是個攝影愛好者，得知新機鏡頭由800萬像素提升至1,200萬後，馬上表示要親自一試。由於舊機的拍攝質素本已口碑不俗，今次再度升級，吸引力自然水漲船高。試機期間，森美以iPhone 6及iPhone 6s拍攝同一景物，除了發現後者成像的細緻度更勝一籌，他表示就連顏色也更鮮艷，「該黃嘅顯得更黃，但當我影天空嘅時候，該藍嘅又顯得更藍。」好玄！
此外，森美認為iPhone 6s在拍攝影片時的對焦速度相當快，「我影住最近嘅葉，到最遠嘅天，再返番嚟最近嘅葉，發現對焦真係快咗好多，轉換焦距嘅速度對拍片嚟講真係非常重要。」他又表示：「1,200萬像素鏡頭配上Apple嘅技術，相信可以媲美唔少『DC仔』（數碼相機），平時用嚟影相拍片放上網都絕對冇問題，就算blogger平時隨手拎嚟拍嘢都good！」。
但他補充：「粉紅色（玫瑰金）機身比較kawaii，唔係好啱我囉！」
商業電台首席智囊陳志雲：
新機增磅 手感實在
陳志雲一直都是忠實果粉，甫進入其辦公室便可發現iPhone 6 Plus及MacBook等Apple產品的蹤影，而且剛拿上手就馬上「feel到」 iPhone 6s有何不同，「新機明顯比較墜手，但呢個重嘅感覺唔算差，我反而覺得比較實在，不過除此之外，手感唔覺再有其他分別。」
他強調自己一向對手機顏色沒有特別要求，因為總會為其添保護殼，但對新出的玫瑰金則有點微言，「如果你同我講呢隻係香檳金或者玫瑰金，我覺得唔似囉，我會定義佢為粉紅色多啲。」
另外，陳志雲認為3D Touch是必試的功能，「我幾鍾意佢㩒落去嗰種感覺，會震一震。」至於力度方面，由於初之接觸，他說需要較多時間去適應，但覺得「幾好玩」。
音樂創作人周博賢：
期望3D Touch增自由度
同為果粉的周博賢，亦能即時察覺iPhone 6s的「份量」，感覺機身加厚、更顯硬淨。對於全新功能3D Touch，他認為大力按下去時會出現小目錄的設計都算不錯，但略嫌那些目錄選項未必合心，極其量亦只能說有趣，而不算有幫助。而他對3D Touch亦有點意見，「除非佢嘅小目錄可以自己改動，隨意加入一啲常用嘅功能，咁會比較好」，聽起來不無道理，未知Apple未來的iOS更新會否把小目錄變得更靈活，自由度更高呢？
測試鏡頭時，他坦言不把相片放大，在手機內確實看不出有太大分別，甚至認為新機成像偏黃。因他習慣使用電腦上網，若想分享某些資訊，都會藉手機拍下畫面，所以他嘗試以iPhone 6s來拍攝屏幕。大家都知道，拍攝電視、電腦等屏幕時會出現「一間間」的情況，但這個問題在新機並不明顯，應用上較為方便。
股評人胡孟青（青姐）：
與其Live Photos 不如Video
青姐平時講股票就多，手機就沒特別要求，對於iPhone 6s的嶄新功能Live Photos，她認為既然要把連環快拍變成一張動感相片，為何不索性拍攝影片，「iPhone入面又唔係冇得拍片。」又說可能大家都覺得這個功能有新意、很有趣，「但呢個Live Photos，乜唔係video咩？」
試到3D Touch功能時，青姐首句說話就是：「用3D Touch要咁大力，我真係好怕爆芒囉！」的確，尤其於電郵中作預覽及進入時，需要的力度較多，明顯看出青姐真的「大大力㩒落去」才能開啟，也許女性用家會較吃力。青姐甚至笑言各位家長要着小朋友修讀物理治療學系，「因為咁樣㩒法，相信遲吓好多人嘅手指關節會有問題」。
極速睇勻最新機王
看畢四位名人的評價後，依然心大心細，不知新機是否符合自己所需？其實除了iPhone 6s Plus，同期還有兩部大熱旗艦級手機Samsung Galaxy Note 5及Sony Xperia Z5，一於極速看看三大機王各有甚麼賣點，免得錯下決定。
iPhone 6s Plus 潮玩3D Touch
備有5.5吋Retina屏幕，而解像度為1920×1080。此機最大賣點當然是加入了3D Touch功能，例如能在相簿內利用3D Touch來作預覽，毌須開啟相片。新一代iPhone鏡頭亦升級至1,200萬像素，但相比其他旗艦機則仍顯失色。若論重量，iPhone 6s Plus也較重，有192克。
Note 5 主打大芒加S Pen
Samsung於上月推出Note 5，新機繼續主打S Pen及大芒。Note 5備有2560×1440解像度的5.7吋屏幕，主鏡頭為1,600萬像素，比6s Plus更高。筆槽改為彈出式設計，方便一眾經常使用S Pen的用家，彈出後更會自動顯示「懸浮指令」，非常方便。
Xperia Z5 極速對焦影靚相
Z系列向來是Sony主力，Z5一如以往數代，沿用Omni Balance的設計概念，整部手機一體成形。屏幕是1920×1080的全高清5.2吋屏幕，鏡頭規格是三部手機當中最高，達2,300萬像素，更具備0.03秒對焦速度，較適合喜歡拍攝的用家。
記者：方健銘、容逸富
攝影：許先煜、林栢鈞、徐振國、梁志永
編輯：陳國楝
美術：吳子豪