由林文龍和黃玉郎投資的電影《我們停戰吧》分別於六個國際電影節共贏得27個獎項，包括印度諾伊達國際電影節、聖地牙哥獨立電影節、荷蘭阿姆斯特丹國際電影節等，不過導演舒琪前日在facebook質疑有人作假，更稱：「香港電影，為甚麼要向假國學齊？」
電影公司昨日發聲名指摘事件屬嚴重毀謗，男女主角林文龍、林熹瞳及黃玉郎等昨在將軍澳包場睇戲，黃玉郎揚言會追究到底，他說：「冇任何引證就亂噏，我哋啲獎好堅，若證實邊個誹謗，一定法律追究。」
八日收36萬票房
至於林文龍則謂：「好詫異，呢行咁有地位身份，唔應該咁輕率評論一件事。我哋有電影基金贊助，參展得獎所有文件都要經電影基金審批。九成入場觀眾對《我》片都有高評價，只係票房唔能夠控制。」林熹瞳說：「外地發行公司今日都打嚟問啲獎係咪真，我諗唔係學院老師幫我哋谷票房啩？」截至前日，《我》片上映八日累計票房36萬港元，前日單日收4,300元票房。
舒琪昨日在電話中承認fb的文章是自己寫，問到為何未看過《我》片便作出評論？他不欲多談：「我寫晒。」可擔心被法律追究？他說：「唔緊要啦，呢個係我意見啫，唔係for public，我唔可以制止（傳閱）。」
舒琪急刪走文章
最後舒琪刪走該文章，另留言：「我呼籲大家往頒發『獎項』的官網直接了解。謝謝！」有網民留言撐舒琪謂：「其實用common sense想一下都知道：同一個電影節橫掃N多個大獎，你會相信嗎？」
採訪、攝影：張俊銘、嵐山