一個間接促使董建華下台，一個在雨傘運動中擔當領導角色，民陣和學聯，一個被指「左膠唱K嗌散水」，一個揹上黑箱作業的罪名。民陣召集人陳倩瑩指現時政權比2003年時更無恥，傳統的遊行集會未必可回應時代需要，民陣若不轉型，就需要有新組織去帶領潮流；學聯秘書長羅冠聰則強調會繼續改革，社運的未來發展有待觀望。
重回9.26巿民首次以保鮮紙和雨傘抵抗警方的現場，陳倩瑩感觸良多，同意傘運後群眾精神和體力消耗很大，受挫敗和無力感所困，「警棍又捱過、胡椒又捱過、血又流埋，都冇辦法令個社會進步」。她認為巿民和組織者均需要時間沉澱經驗。
需有新組織帶領潮流
作為民陣的召集人，她承認現時的社會條件和2003年有很大分別，遊行集會未必有用，「你都知梁振英無恥，唔理民意」。她指民陣內部會討論是否要改革，礙於人手及組織結構，只能採取抵抗式行動，沒有願景及連結工作，未必準備好迎接下一波運動爆發，「要去諗民陣係咪能夠做到呢個角色，如果做唔到嘅時候，係咪要有個新嘅平台，或者組織，或者模式，去帶社會潮流去改變呢？」
她指民陣仍傾向以合法方式抗爭，提供最低門檻供巿民參與，「唔係單靠遊行可以做到，所以民陣到時候係要適應要改變，或者直情甚至民陣維持原來嘅工作，分工，由新組織去做呢一部份嘅工作」。她指傘後組織號召快，流動性大，民陣要和其他組織整合，互相補足。
至於飽受退聯「重創」的學聯，秘書長羅冠聰同意現時院校間溝通較少，角色亦轉變，「以前影響力大啲，𠵱家溝通少咗，力量細咗，冇以前咁緊密」。他指各校在捍衞院校自主等大議題上有合作，過往院校參與外務議題少，要依賴學聯，今年明顯投放更多資源。
他承認學聯在傘運期間未有充份聆聽群眾意見，但亦承受了很多不實指控，包括是泛民喉舌、「收咗錢」、「推人去死」等，他理解群眾因為無功而還，要「搵人算賬」，結果學聯「被搵上門」。
羅冠聰指退聯不是世界末日，學聯正致力改革，包括普選代表會成員，提高透明度和認受性，但商討重新入聯言之過早，「因為全民投票過咗冇耐，同學感受唔到退唔退聯有乜嘢分別」。
■記者張嘉雯
《雨傘一周年》:
http://umbrella.appledaily.com