利物浦、紐卡素一向「衰波」，但邊個估到連西甲巴塞隆拿都加入「衰波」行列？巴塞周三晚西甲作客切爾達，竟然以1:4大敗予對手，終止聯賽18場不敗。唔知係咪班球員太過舟車勞頓，巴塞成隊都冇厘神氣。而佢哋防線更加穿晒窿，碧基因為玩波而送咗球大禮畀人，門將達史特根就兩次被對方笠死。最後切爾達憑伊亞高艾斯巴斯（上）梅開二度、加上洛尼圖同約翰古達迪錦上添花，大勝巴塞4:1，呢場更加係對方自2008年對皇家馬德里後再次以3球之距落敗，認真肉酸！而巴塞喺12月打嘅世冠盃就抽到對亞冠冠軍或者墨西哥嘅CF阿美利加，同一班球員要穿州過省踢咁多場波，都咪話唔攰！