嚟緊周日係中秋節，中大校長沈祖堯本周三率先喺崇基學院眾志堂同500幾名教職員舉辦中秋聯歡會，教職員大玩「傳城迎中秋」遊戲，爭相將象徵愛心嘅「巨型中大月餅」喺3秒內傳出去，同時亦有中國傳統雜耍、猜燈謎等活動。 席間當然唔少得才藝表演，中大同事逐一上台獻技，其中中大職員協會古箏合奏團演奏《平湖秋月》、《明月千里寄相思》等應節樂曲，仲搵嚟祖堯BB參與合奏《將軍令》。祖堯BB同時獨唱一曲《但願人長久》，在場人士聽出耳油。