記得以前住B&B（Bed and Breakfast）是旅行其中一種地道而廉價的住宿選擇，家庭式旅館，一泊一食就係咁簡單。到2009年Airbnb的出現，屋主可將自己屋企放上網出租予素未謀面的旅客。首年錄得超過21,000名客人登記，到去年已超過600萬人透過網站找住宿，這種住宿方式大行其道，B&B越整越靚，亦讓網站三位創辦人首次打入福布斯富豪榜（Forbes's Billionaires List）。
B&B走向豪華、精緻化似乎是大勢所趨。另一B&B網站onefinestay創辦人Greg Marsh當初見城市裏幾多漂亮的房子和別墅，因為屋主經常外遊或公幹而烏燈黑火太浪費，想建立一個平台讓屋主短期出租房子，可賺點收入之餘，又善用漂亮的空間。網站標榜「handmade hospitality」，每周造訪數百個家居，專門挑選精緻而有個性的的房屋，由床單、毛巾、浴室用品都有講究，可以極盡奢華，亦講求個性和品味。好空泛？睇相，每戶佈置都甚有個性，充滿住家感覺，價錢唔平，部份更是富豪級的超豪別墅。網站目前只設倫敦、巴黎、紐約、洛杉磯四個市城的B&B選擇，去開當地，試吓囉。
網址： http://www.onefinestay.com/
記者：曾冠輝
