一連十二場「容祖兒李克勤演唱會」前晚落幕，祖兒在演唱時因舞台飄雪效果跣腳，幸馬步夠穩沒事，克勤握手時被男觀眾大力拉扯向前仆，幸他及時拉實欄杆才沒跌倒，兩人都有驚無險！克兒唱到12時15分才完騷，因超時大會被罰款20萬元，問是否歌酬中扣除？祖兒笑說：「佢就想呀，我啲錢放晒入定期。」克勤更謂：「我一啲悔意都冇。」
前晚祖兒男友劉浩龍（師兄）坐在控制台上捧場，而有傳不滿他的容媽媽就安坐觀眾席，問祖兒有否見到男友？她說：「我從來都冇見到，自己喺台上面，若果佢有時間，每一晚都喺度。」祖兒爆響口新年到拉斯維加斯巡唱，問會否帶「巨龍」（劉浩龍）去舞龍？她哈哈大笑：「外國冇呢啲習俗，唔興呢啲。」
採訪：馬建華
攝影：陳順禎