【本報訊】11.17世盃外港中大戰的賽場成為近期熱話，小西灣運動場漸漸演變成「必然次選」，兩名港足代表葉鴻輝及盧均宜，對於康文署昨表示11日內在大球場上演七欖賽及足球賽機會極微，兩人不約而同質疑是否言之過早。
指小西灣不似足球場
港足門將葉鴻輝昨表示：「其實外國都經常有打完欖球再踢足球嘅例子，我哋現時估計唔到打完七欖奧運資格賽後，大球場嘅草會變成點，但距離11月17日嘅世盃外仲有超過1個半月，康文署今（昨）日就講到七欖後好難再做足球比賽，或者呢個半月大球場嘅草生得好好呢？」
「英雄輝」坦言，他個人意願是踢旺角場，一來港足踢慣，二來同打氣的球迷夠近，而大球場也不見得好好，他說：「我哋其實都好少踢大球場，加上場地空曠，難做好防守。」至於小西灣則是三個選擇中最差，除草地凹凸外，球場外圍有跑道，跟球迷隔得太遠，完全不似足球場，令球員難以「入局」。港足後衞盧均宜意屬大球場，因為可以有4萬多球迷入場支持，比起只有6,000多座位的旺角場及近12,000座位的小西灣運動場都好。
■記者徐嘉華