新任政制及內地事務局副局長陳岳鵬Ronald係新民黨葉劉淑儀一手提攜從政，當年葉太栽培對方參選，做埋南區區議員，點知Ronald一個華麗轉身入咗特首辦，連議員都唔做，葉太好似仍然嬲嬲豬，噚日上商台節目，講講吓平權問題，又專登提起Ronald，話佢外國留學返來，思想開放，對呢個問題會正面啲。
主持都忍唔住問佢係咪仲嬲對方？葉太就話心情好複雜，皆因自從Ronald入咗政府之後，好多人搵葉劉做「跑道」。佢覺得如果要加入佢團隊，先要講清楚係支持其理念定「利用我嘅網絡然後入政府」，佢話明白人望高處，但千祈唔好第三條跑道未起好，就搵佢做住跑道先。