這一年學民思潮召集人黃之鋒多次撰文，指雨傘運動無功而回，「佔領前後，8.31決定仍舊千秋萬世，人大決定依然不能撼動」。
他承認運動中高估實力、判斷錯誤，但寄語港人認清真相，別再沉醉於精神勝利法，「無功而回先係一個更加重要嘅推動力，鞭策我哋繼續喺未來民主運動走落去」。
「贏唔到係實力唔夠」
去年9月26日黃之鋒一聲重奪公民廣場，觸發佔領。一年後，政總更森嚴，毗鄰的立法會停車場出入口也正加建圍欄。訪問在政總閘前進行，保安員一直監視拍照，更要求記錄記者所屬報館。黃之鋒直言可笑復可悲，「一年完咗，冇任何訴求攞到，乜都贏唔到，佢再起多個欄，都幾諷刺」。
按照黃之鋒的「劇本」，若20萬人佔領街道1個月，就會有真普選。最後他跟學民成員絕食也無法改變現實，「原來對中共嚟講，20萬人都唔夠皮」；劇本以外的87枚催淚彈、警黑聯手更是始料不及。他說無論佔中三子倡議的被動式公民抗命，或是學民主張的主動式抗爭，都是錯判，「30年民主運動一次過釋放出嚟，但最後都贏唔到，係我哋實力未夠」。
他坦言運動期間泛民及佔中三子有分歧，但最「冇癮」是泛民在傘後迴避政治形勢判斷，「方志恒發表《香港革新論》，我見唔到一個泛民嘅政治人物有任何回應」。方志恒是18學者方案發起人、新力量網絡副主席，「佢同你捱咗咁多箭，你班大佬好似冇反應，我幾surprise（驚訝）」。
指重啟政改自欺欺人
黃之鋒認為，民主回歸已沒出路，重啟政改五部曲也是自欺欺人，「人大再落一個決定，香港都唔會有普選」。惟泛民仍停留爭取議席，跟中央對話，以求重啟政改有籌碼在手，「若下屆唔重啟政改，泛民嘅普選運動係咪冇咗呢？」他說傘後學民放眼是修憲和香港二次前途問題，並建構第三勢力，不再由政黨主導，至於以甚麼形式尋找出路，他說：「呢個問題我都諗緊。」
學民思潮先後有多名核心成員離開或退下火線，如張秀賢、林朗彥及周庭等。黃之鋒不認為是分裂，「一個組織一定會有人入嚟，有人出去，而且未必每個人能夠承擔到風險」，尤其核心成員需面對法律責任，「每個人都有個人前途考慮，我只能尊重」。