聽日就有得賣嘅籃球電子遊戲《NBA 2K16》，最近公佈咗球員能力排行榜，勒邦占士（LeBron James）以94分蟬聯冠軍，而舊年嘅常規賽MVP史堤芬居里（Stephen Curry）就由上年第10位躍升到第二位，以93分緊隨其後；上年另外兩位同居里爭MVP嘅球員安東尼戴維斯（Anthony Davis）同夏登（James Harden）就以92分並列第三。呢個排行榜一出，就令到一班球迷爭拗不絕，有球迷認為杜蘭特（Kevin Durant）唔應該得91分排第五咁渣，仲有更多球迷認為湖人球星拜恩（Kobe Bryant）冇可能跌出10名外喎。