平治車隊嘅英國「黑帝」咸姆頓，禮拜日喺F1新加坡站因為戰車機件故障而被迫中途退賽，但佢嘅心情似乎冇因此受影響，仲喺instagram大晒自己同佢部價值16.5萬鎊（約196萬港元）嘅平治新車Maybach S600張合照。30歲嘅黑帝仲話自己已經收拾好心情，希望可以喺禮拜五開始嘅F1日本站成功衞冕，兼力爭追平偶像冼拿嘅41個分站冠軍紀錄喎。