新股招股上市，通常會花心思諗紀念品送畀投資者，等投資者有多些少印象。內衣股維珍妮國際（2199）最實際，送桃紅色bra，好代表到自己個品牌，IMAX中國（1970）與浙江天潔環境（1527）都幾特別，分別送喇叭同埋「大扇貝」。
其實呢隻大扇貝係一部空氣清新機，佢自稱貝殼外形設計獨特，令人「身臨其景，輕鬆享受大海邊的清涼同舒適」，有冇咁誇張呀？
但係要留意番，呢部機並唔係由浙江天潔生產，因為呢間公司專做大型除塵器，呢部機仔只係做到15米至25米，不過都叫做同佢嘅生意有啲關係嘅。
IMAX中國就送藍芽喇叭畀投資者，意念其實都好簡單，就係配合番IMAX嘅放映技術，本身要為觀眾提供靚聲同靚畫面喎。