溫碧霞（Irene）、周秀娜、何佩瑜（Jeana）及楊思琦等，昨晚在金鐘出席國慶晚宴，性感兼疑似真空上陣的Irene艷壓全場，Irene笑笑口未有否認說：「你哋話係咪係，呢條裙𠵱家唔着冇得着，因為秋天就快到！」不過見到她的身形極弗，她說：「我會做運動keep住，但係囝囝鍾意游水，老公鍾意打波，所以我哋會分開做。」 剛成立工作室的Irene透露首部電影《愛在深秋》已經完成，預計將於明年3月上映，她坦言為此而感開心和期待。
娜姐與Jeana齊齊密實打扮現身，她們笑稱純粹黐餐，一度暴瘦的娜姐說：「其實一直都咁上下，cup數都亦一樣， 總之冇換過內衣。」另一方面，劉偉強被問及無綫與美國華納兄弟合資並於香港設總部一事，他說：「暫時未有合作，不過對香港嚟講係好事，好似打咗支強心針。」
採訪：卓寶花
攝影：陳志嵐
