本周三(23日)賽事適逢係柏寶38歲生日，睇番上季他在生日前後兩次賽事，分別起孖及中三元，似乎柏寶在生日期間特別賣力，務求以頭馬作為送俾自己的生日賀禮。本周三柏寶不乏惡馬，隨時可一如去年般贏馬賀壽。
機會最高首推「笑眼光」，本月中初配柏寶上陣即跑入一席亞軍，僅敗於大熟當起之「有得威」，可算雖敗猶榮，拼後唔報沙田刻意轉往快活谷出賽，以其均速前置跑法，相信只會更加合適，有力贏馬補中。
另外，同樣出自蘇偉賢馬房的「至尊駿爵」，上季轉倉初出即於谷草大勝對手，再出轉跑田草，卻全程欠順下大熱倒灶而回，今次終於重返谷草上陣，賽前試埋大閘做足工夫，有機會回復表現。
仲有唔好忘記「上進」呀，以往唯一頭馬正係由柏寶響同程谷草C跑道1650米取得，方仔開季至今期期有馬贏，話唔定醒隻好野俾老友賀壽。