理大上月公佈香港讓座文化民調話55%人認同垂頭用手機係唔讓座原因，當日有報章攝記喺港鐵拍下青年玩手機而一名抱小孩嘅女士冇位坐嘅配相；報道出街後網上熱議，有人反對公審呢名青年。
中原集團創辦人施永青睇唔過眼，噚日喺報章專欄批評力撐唔讓座行為嘅年輕人將歪理說成真理：「有些事情並非在面書上多人like就等同是對的。」
佢話讓座畀老弱婦孺係普世推崇嘅行為，而部份年輕人的確唔肯讓座、甚至向批評佢哋嘅人「反咬一口」，「目的是要批評他們的人再也不敢造次」，斥年輕人呢種自恃識得用社交媒體，喺網上一呼百應、佔輿論優勢嘅做法，「把歪理也說成是真理」，情況比唔讓座更令人擔憂。