國亂之時，必有妖孽。暴力救市未結束，身為總指揮的中證監主席助理張育軍已被中紀委拉落馬，揭露股壇黑幕重重。不過，比起貪腐，國企改革的腥風血雨仲更加得人驚。國務院剛剛公佈國企改革方案，股市未見受惠，但國企股已搞出連環血案。上海國企龍頭股，A股上海家化董事長謝文堅上周五在公司門口遇刺！上海家化停牌至今。
謝文堅為美籍華人，之前在美資公司任高層，2012年投身國企，大力改革，得罪咗唔少人。國企改革加劇，更加有人要將佢置之死地。
另外一單奇案，更加令人震撼。9月13日，國務院旗下的國有重點大型企業監事會主席時希平，在湖北落水失蹤，至今屍骸無存。時希平為副部長級高官，專門負責監察大型國企，今年佢參與中央巡視組，拉咗過百位貪腐國企高層，今次不排除是被滅口或報復。內地的黑暗殘酷，外界永遠難以想像。
黃尹華