呀吓，我要飛往天上！點解？因為原來上到高空，會有人妻送㗎。旅遊達人項明生去旅行都會喺fb打卡，噚日就鬧出笑話。事緣佢搭某一航空公司，喺飛機都可以用到wifi，就即刻打卡，但佢寫咗「三萬九千呎高空中都有free wife，不打卡對不起一眾早起的鄉親父老！」wifi寫錯wife，當然畀人恥笑，包括《100毛》贈佢一句「三萬尺（呎）高空上嘅免費人妻，真係諗起都浪漫」。最搞笑係佢喺fb嘅相咁啱有一位靚空姐。
八方問過項明生，佢講笑話帶畀巴絲打歡樂，係佢崇高理想，而且航空公司仲打電話多謝佢「用幽默手段曲線宣傳」。 果然，認真就輸鳥。