過檔浸大做校長嘅港大前首席副校長錢大康（圖），喺新一期浸大學生報《Jumbo》訪問中話，師生見到不義之事不能噤聲，但唔同意以衝擊、抹黑或鬥爭嚟表達訴求，否則會令議題失焦。
錢以港大學生7月28日衝擊校委會為例，話結果招致抹黑，「例如『紅衞兵』等指控，其實已經將本來議題重點掩蓋。」翻查資料，以紅衞兵鬧港大學生嘅，咪係港大嘅梁粉校委、中大前校長李國章囉。
特首梁振英被指干預院校，委任校委、校董用人唯「梁」，學界要求廢除特首出任大學校監。錢大康則認為，唔能夠因為特首「好似」干預咗院校就修改，不能因人而異，話任命應用人唯賢，如果有人因為個人喜惡任命校董，係好不幸。