恒隆集團（010）噚日委任董事長陳啟宗嘅堂弟陳仰宗做非執行董事，呢類企業搵家族成員入董事局嘅新聞其實閒過立秋，不過華華就俾陳仰宗嘅背景吸引。
51歲嘅陳仰宗係恩榮金融（Grace Financial）主席兼行政總裁，呢間公司原來專門幫有錢家族投資、成立信託基金處理遺產、稅務安排等等。公司網站寫明，佢哋係透過綜合家族辦公室嘅模式（Multi Family Office Model）去提供服務。
陳仰宗於美國克雷蒙麥肯納學院取得經濟學學士，1993年成立恩榮，佢太太吳毓玲2008年加入幫手管理。
睇公司網站資料介紹，佢哋育有5名子女，閒暇時，陳仰宗鍾意享受烹調與美食，唔怪得佢都係肥肥哋喇。