最近外出食飯，無論是去尖沙嘴見城食壽司，還是去九龍城食泰菜，沒有訂位都可以入座，而且身邊都有吉枱，難怪最近有兩位剛開了新餐廳的朋友，都大嘆生意不似預期。
一位新派中菜館的老闆曾經講過，據非正式統計，香港一年有過百間食肆執笠，又有過百間大小食肆開業，帶挈飲食雜誌與副刊的飲食題目，可以長做長有。
雖然飲食雜誌與副刊可以提供一個免費宣傳的平台，但這類平台的推廣效用，短暫如放煙花，讀者可能翻過、讀過就忘了，即使被相片與文字吸引，貪新鮮走去一試，又未必會一試再試，皆因新店實在太多，部份又未必有雜誌所寫的質素。
有聰明的老闆就利用社交網絡，將產品送給名媛、藝人，讓他們「不經意」在facebook做推介，製造話題，讓大眾走去追捧名媛、藝人食過的食物，餐廳門外自然大排長龍，一有長龍，就有更多人想光顧。
在相機食先的風氣下，新餐廳利用fb做推廣，這種免費宣傳應該頗奏效。執行前，先逆向思維想一想，大家上載餐廳或食物相片上fb，不外乎 1. 覺得食物賣相靚；2. 晒命，食得起貴價餐廳；3. 晒品味，懂得去有型夠潮的食肆；4. 真心覺得食物美味想分享。
第1點應該最易辦到，新餐廳總要有賣點，最簡單就是製作一兩款賣相特別的食物，讓人有衝動走去被相機食先，然後放上網開心share。
第2、3點就要視乎餐廳本身定位，要不然，就找知名朋友幫襯，幫手share，不過一定要找對人，舉例，茶餐廳就無謂找日夜都化行妝、經常出席名店活動的前女主播幫手了。
但說到底，食肆最重要講食物質素與口碑，身邊朋友口耳相傳，做到第4點，令顧客真心share才是正道。
https://www.facebook.com/koc9nine