金融界越來越多女將，獨當一面榮升地區話事人，除咗滙豐大中華及香港區、恒生（011）、渣打（香港）呢幾間大行，均由一姐話事，原來本地兩大發卡機構──Visa與萬事達，都係由阿姐級人馬執掌帥印。
Visa新任香港及澳門地區總經理戴嘉倩（Caroline Ada），9月剛獲委任，伊人與萬事達卡香港及澳門總經理葉安娜，算得上係發卡雙后嘞。
Caroline將會負責Visa喺港澳兩地嘅策略發展，據聞，佢喺支付發展甚有經驗，澳洲任職期間，曾推動Visa payWave業務，𠵱家市場大勢講流動支付，開正佢嗰瓣。
至於原本擔任Visa香港及澳門地區總經理嘅陶偉邦（Tom），本月初就升任東北亞地區總經理，加盟Visa前，佢曾任滙豐越南、柬埔寨及老撾等地行政總裁，華華首次見阿Tom，就喺胡志明市。