嘉里建設（683）高層權力狀況有微妙變動。公司噚日宣佈，「為統合集團的行政系統以配合業務營運及發展」，即日起，執行董事何述勤與錢少華停任聯席董事總經理。原本只擔任主席嘅黃小抗，就兼任首席執行官。
嘉里建設係「糖王」郭鶴年旗下主要做地產生意嘅上市公司，原先由郭鶴年長子郭孔丞擔任主席，但佢忽然喺2013年8月辭去所有職務，老臣子黃小抗隨即升任主席，何述勤與錢少華就一齊做聯席董事總經理，何氏負責港、澳與海外業務，錢氏管內地生意。
直至今年6月，郭鶴年36歲嘅細仔郭孔華加入嘉里建設做非執董，事情就慢慢出現變化，齋睇職銜轉變，黃小抗嘅話事權似乎又再鞏固起來，何述勤好啲，佢冇得做聯席董事總經理，仲有番個總裁位。