陳偉霆(William)同蔡卓妍(Sa)噚日(20日)凌晨突然發佈分手宣言，五年姊弟戀告吹。
分手後的阿Sa，噚日於蘇州出席活動，仲係同William前日出席嘅橄欖油同一間公司嘅活動。同樣笑容牽強的阿Sa，出席活動後急急離開，準備今日（21號）出席在港嘅《星光熠熠耀保良》項目排練。有fans在機場捕獲阿Sa時，見其戴上口罩，以遮掩憔悴樣。
阿Sa乘搭ZH9702班機抵深圳，但遇上delay，結果延至晚上9時15分起飛，晚上11時23分抵深圳。現場早有大批傳媒守候。
戴上口罩的阿Sa難掩愁容，有五名工作人員一直護駕。面對大批傳媒包圍，阿Sa只是雙手合十：「我要講嘅嘢，已經喺文字上講晒，唔該晒。」期間因為有不少咪牌「隊」向阿Sa，令佢一度驚惶失措。