【澳門直擊】楊千嬅前晚在澳門舉行世界巡迴演唱會，獲父母、囝囝Torres、老公丁子高及奶奶一家捧場，王菀之擔任表演嘉賓。千嬅在台上說了番相當感性的說話，她提到入行20年，唱過很多歌，每首歌都帶有個人情感，工作過程中有苦也有樂，她說：「我好感性，我係水瓶座，失戀時會好痛苦、震撼，但回頭望令我更加有智慧。」
千嬅在完騷後接受訪問說：「我一落到台對住Torres叫BB，但佢個樣好驚，可能台上個樣有啲唔同，消化唔到太多嘢，換番件衫再落埋妝，應該冇咁震驚。」談到她台上的感性，千嬅笑說：「年紀大咗，唱一場少一場，做一個騷唔易。」
採訪：王連連
攝影：陳俊強
