張智霖（Chilam）昨日於大埔林村出席「聾健同樂日暨全城手語撐共融」活動，曾扮演聾啞角色的他說：「初哥哥個角色要做手語，電影版11月會同大家見面，我都有重新學手語，不過個角色已經開番口講嘢，所以手語戲唔多。」
對於老婆袁詠儀（靚靚）早前以Deep V裝大騷豪乳出席活動，Chilam笑謂：「佢一向都係好嘢，證明我識嘢，禾稈冚珍珠。」有網民不喜歡靚靚行性感？Chilam覺得一定有兩面，所以沒所謂：「佢𠵱家應該係自在去做任何事，唔應該為取悅任何人去做，自己開心最緊要，作為藝人要不斷畀多啲刺激同新鮮感自己先最開心。」
採訪、攝影：譚倩宜