唔少人鍾意創業做老闆，但做老闆嘅壓力好大，耀才證券（1428）主席葉茂林，都話自己成日要開會，好唔得閒，好在佢識減壓，方法就係去蒲。原來去蒲唔係後生仔專利，63歲嘅葉老闆都啱。
葉茂林話，工作上最吃力係教導員工，皆因明白一個人兩隻手做唔晒嘅道理，佢希望可以一路教一路做，最終可完全放手。提到佢半年前脫咗手嘅Magnum（2080）最近決定連執兩舖，葉茂林都話，如果𠵱家仲係證券、夜場一齊搞，就一定頭都痛埋。
至於減壓妙方，佢二話不說講番Magnum，話自己「有得蒲就精神」，𠵱家仲係常客，會去睇吓靚女、跳吓舞、放鬆吓。另外，佢晚晚都要「散步」兩個鐘，地點係各大商場，有冷氣兼有靚女，「命都長啲」喎！