由楊澤怡（Shirley）、潘穎琳（Mizaki）、李詩詠（Ceci）及周葆諭（Christy）組成的本地跳舞女子組合FFx，出道近兩年但一直無人識，最近卻因一首10個月前的歌《Sugar Baby》MV一夜爆紅，MV由上周二起在網上被瘋狂洗版。截至昨日中午，YouTube點擊已達130多萬人次，惟FFx連日受到各方猛烈批評，甚至被形容為妖怪，加上四位成員各有不同家庭問題要面對，因此受到極大壓力，前日接受《蘋果》專訪時個個哭成淚人。
頂尖排舞師指導
FFx經理人承認只花了900元製作費拍攝MV，《蘋果》動新聞為證實「平嘢一樣有好嘢」，毋需FFx花一分一毫，免費替她們重拍，並將《Sugar Baby》填上全新勵志歌詞變成《衝啦！Baby》讓他們重新演繹，拍攝前更安排曾為劉德華、郭富城和鄭秀文等巨星合作過的頂尖舞蹈編排導師黎偉倫（Dee Lai）幫忙點出各人錯處。
首次看FFx跳舞的Dee Lai坦言：「佢哋只有2、30分，離目標仲差好遠。」他續謂：「我感覺佢哋四個女仔都有舞蹈底子，但覺得好多因素影響佢哋跳舞，服裝係其中一個問題，我睇到佢哋有兩個根本就唔習慣着高踭鞋，加上服裝令到佢哋唔自然，咁就會影響水準。」不過，Dee Lai相信她們跳得太多次，都是問題所在，他說：「佢哋跳舞係冇畀力量，其實動作係要大力啲，可能因為跳得多滑咗牙，就好似做晒成套動作就算，完全冇靈魂。」
FFx聽完Dee Lai意見後，承認有很多改進地方，Shirley謂：「我哋會努力，Dee哥哥好好人，好細微嘅嘢都講得好清楚畀我哋知，等我哋知道問題喺邊，一定會記住佢講嘅嘢。」
採訪：小米
