馬會搵咗一代南非名將高雅志返嚟做顧問，專門指導一眾見習騎師學校成員，當中女將蔣嘉琦更獲志叔特訓，希望佢可以不斷精進騎技。
不過蔣小妹暫時未見有所突破，這天反而重演開鑼日騎「尊皇速龍」漏閘之歷史。嘉琦BB於第二場四班1400米，當閘門打開之際，其座騎2.4倍大熱門「有意思」馬頭轉側拒絕展步，立地成佛後才緩緩地參與競賽，此駒慢閘程度遠比「尊皇速龍」嚴重，蔣小妹再一次在馬迷面前起步大脫腳，未跑先輸。結果「有意思」轉彎更兜大圈返嚟包尾，不過只輸五個幾馬位，若非大脫腳分分鐘入三甲。
賽後馬會即時翻看巡邏影片展開研訊，裁定「有意思」已獲公平出閘，屬於正式出賽馬，馬迷投注冇得回水，至於蔣嘉琦即使心情受到再次漏閘影響，惟於經驗老到之志叔輔導下，佢應該唔會有咩大問題。
http://racing.hkjc.com/racing/video/play.asp?type=replay-full&date=20150919&no=02&lang=chi