袁詠儀（靚靚）平時唔聲唔聲，原來禾稈冚珍珠，大前日佢出席珠寶店剪綵活動，賣大包真空上陣露波邊，由iPad胸變巨乳人妻，令在場人士睇到眼定定。
不過靚嘅背後總係有代價嘅，前晚凌晨時份，靚靚就係微博貼咗張趴喺到嘅素顏相，似係苦笑又有啲憔悴，同時亦貼多咗張寫住「腰痠骨痛」嘅跌打酒留言話：「嘗試不一樣的事情，有好評當然也有劣評，但原來讓我最痛的不是那些評論，而是板直了脊椎一天的腰痠背痛，看來性感路線我還是沒有潛質了。我的媽啊！賜我一個按摩師！」
睇嚟靚靚前晚為咗個性感線條全晚要企到直一直太攰之外，仲俾一啲網友嫌佢「賣肉」嘅留言搞到好唔開心，有好心嘅內地網友就提供咗紓緩腰酸骨痛嘅秘方，仲有人提議佢夜媽媽，梗係搵老公張智霖同佢按摩鬆鬆啦！有人留言謂:「張先生聽到呼喚了嗎？張智霖永遠只為你一人服務，不用理會別人的意見，做好自己就得！」、「新的嘗試與突破總會有讚美與批評的，用平常心去看待相信自己吧！」