四人女子組合FFx以900元製作甩皮甩骨的《Sugar Baby》MV，在YouTube熱播，截至昨晚點擊率逾80萬，負評則逾2萬個，FFx的成員楊澤怡（Shirley）、潘穎琳（Mizaki）、李詩詠（Ceci）及周葆諭（Christy）無懼被笑，借勢上位。
「笑大人個口」
FFx前成員陳安兒（Liz）慶幸退團避開笑柄，有網友指Liz妒忌，她昨即在fb寸爆反擊：「笑大人個口，有人話我葡萄個4件MK X，我就算葡萄都唔會葡萄佢哋，我葡萄都葡萄我師姐Cecilia啦，人哋隊嘢唱得跳得睇得邊似個4隻X，拍個MV似出嚟俾人問價。」
《Sugar Baby》是本地樂隊Redholic團長兼結他手段深瀚（D.T.）之作，他前日在fb說：「FFx首《Sugar Baby》係我編監錄，睇吓幾多人分享。好多用最大心機同時間去錄製嘅MV作品就冇人去聽，香港就係存在着一個咁扭曲嘅音樂文化。」
《Sugar Baby》作曲、填詞人紫晴也在fb說：「好唔好聽見仁見智，個MV就睇到大家好高興，一路『妖』又一路睇，香港就係一個咁奇怪市場，有人知好過冇人知，天堂鳥，Faith都係咁樣做」D.T.還留言：「我O晒嘴！個Mixing唔喺咁，冇啦啦又走咗個混音師出嚟，我聽到𢱑晒頭。」
問D.T.是否不滿作品被改？他昨在電話回應：「恭喜佢哋，好多人喺首歌出咗都問係咪我哋作，聽到啲混音唔知點解多咗鼓聲，只係覺得尊唔尊重音樂人創作嘅問題箒！」
此外，同樣以騎呢見稱的艾美琦，昨日在深水埗出席活動，被問FFx備受批評，她說：「商業角度佢哋低成本高效益，明白佢哋心情，太多人批評，首歌係OK，但佢哋衣着、舞步有需要繼續努力。」
採訪：小米、卓寶花