教育學院有望明年正名大學，「公投」校名暫時似乎教育大學嘅支持度「超然」於師範大學。師範大學（Normal University）源於法國，喺法國留學兼娶咗法蘭西靚老婆嘅校長張仁良唔表態支持邊個名，佢話內地及台灣較通用師大，日韓則多叫教大。正名後校方唔會多咗政府撥款，即佢都冇人工加啦。
佢話上周五晚收到教資會通過正名消息後，開心到成晚失眠，有女學生仲開心到喊；他話暫未收到前校長、即運房局局長張炳良祝賀，但指呢位「兄弟」對正名功勞不少。𠵱家仲公投緊校訓，5個選擇分別係：知類通達、厚德日新、恭德慎行、博取謙受、學行兼脩。