自由黨主席鍾國斌Felix，狙擊特首梁振英不遺餘力，有時都幾大快人心。繼炮轟CY「適度有為」主張而同CY掀筆戰後，鍾國斌以〈不要為了連任而推損害商界的措施〉為題喺報章撰文，提及有報章話CY有意喺明年嘅施政報告提出取消強積金對沖嘅安排，顯然係2017年特首選戰臨近，CY為咗連任，討好勞工階層而向商界開刀，指摘CY唔應該為討好某一界別就肆意損害香港嘅營商環境，強調CY若然要向勞工階層「找數」，點解又唔記得自己對商界嘅種種承諾仍束之高閣？
身在耶加達嘅CY，噚日都被問到對沖安排，佢強調知道僱主同僱員有唔同意見，會聽雙方意見，唔知Felix收唔收貨？