不少講述監獄生活的電視情節均與香煙扯上關係，形容獄中「煙仔」如貨幣一樣相當重要。仗義每多屠狗輩，即使是曾在社會犯錯被懲罰的階下囚，亦因敬重陳德章的公民抗命理念而將香煙雙手奉上，亦受到囚友支持，令陳德章感到意外。
記者：周詠雯 攝影：朱家駿
獄中香煙以公價發售，不少囚犯往往以大部分工資買煙，獲取更多另類貨幣。但即使囚犯用盡每月工資，購到的香煙數目亦不過數包，故香煙在獄中變得相當珍貴。陳德章在訪問前後皆道「我出去食支煙先」，雖自評煙癮非相當大，但煙民身份卻「走唔甩」。入獄3星期，待不及一個月一次發薪買煙，其母打定算盤兒子終於可以戒煙，陳德章指囚友卻對他相當好，得知他是煙民後，便向他送上一支又一支煙，更有「大哥」因尊敬他公民抗命而直接送上一整包香煙，令他感到相當感動。
陳德章外貌斯文又有點baby fat，最初亦有人擔心政治人物入獄後會受到不好的對待，但入獄後他非但無被欺負，更得到大家的關心，「職員又問有無人蝦我、囚友又問有無人蝦我」，突然受到如此對待，只因囚友尊敬他因公民抗命入獄，而非金錢和爭拗。
3個星期監獄生活，陳德章回想「一入去大家就知你咩事入嚟，有一種敬重」。不斷與囚友講政治，在監獄內宣揚爭取全民退休保障理念。「點解我入嚟、點解要有全民退休保障、香港有幾多老人家無床位、一年死咗幾多人、有幾多貧窮長者」，囚友一一用心聽進耳裏，為此忿忿不平。陳德章坦言囚友雖然曾經犯事，但他們卻有著一顆同理心，「比出面啲建制派好好多」，直斥建制派西裝骨骨、衣冠禽獸；「基本上喺監獄嘅支持真係可以話多過喺出面，我覺得好驚訝」。
另一個監獄劇的經典場口是「通櫃」（直腸檢查），曾被轟侵犯人權，亦有說是為新收押犯人施「下馬威」。2012年，懲教署於荔枝角收押所引入全港首部「X光身體掃描器」，一般囚犯會先到荔枝角收押所，再等待分配至哪間收押所還押。雖然已有X光掃描器，「企上去（掃描器）兜個圈」，但他指「只係體內有X-ray」，囚犯仍要接受其他檢查，由懲教署職員翻開其肛門、包皮及拿起陰囊，察看有否藏有毒品。陳德章指，他調至其他收押所時，亦需再作此程序。陳德章直言這些檢查「當然係唔好受、覺得侮辱你」，但也明白一切程序均有保安理由支持。
三個星期牢獄生涯，對他來說有何意義？「我諗係一個對我抗爭路上好好嘅磨練。」陳德章如是說。