還記得香港迪士尼喺兩年前農曆年上演嘅一幕「逼爆樂園」嗎？相信唔少人都仲記得呢段新聞，可喜嘅係，上海迪士尼樂園將會喺下年開幕，呢種人山人海盛況，會唔會出現喺上海仲未知之數，但迪士尼都幾有信心。
有信心唔只迪士尼，仲有佢嘅競爭對手環球影城，佢亦都喺最近落實於北京通州興建全球最大環球影城主題樂園，仲會以合資方式經營，而非沿用在新加坡及日本嘅用專利方式讓其他人經營，莫非大陸個市場真係咁好景？
當然大陸本身人口多，市場龐大，加上呢類國際性樂園，本身fans已經遍佈全球，佢哋會以去晒全球相同主題嘅樂園為目標，加上自內地崛起後，唔少外國人均會到中國旅遊，地點唔係北京就係上海，這類主題樂園不乏客源。
事實上，內地不乏本地主題公園，其中知名度較高嘅有長隆系列主題公園，世界之窗、中國民俗文化村等，但係呢個市場中，有七成係輸緊錢，有兩成唔賺唔蝕，只有一成係有盈利。只有咁少人可以賺到錢，知名度只是其中一個原因，更重要的是普遍市場對這種「中國製造」樂園嘅安全性存有戒心！
流氓