【本報訊】約三周前突然腰痛難忍的Gloria是典型OL,雖然公餘經常健身,但返工時要在辦公室由朝坐到晚,朝9晚6工作期間,除了午飯時間通常都坐在辦公桌前用電腦、處理文書、接電話等,「都知道自己好少郁,由頸到腰都好梗,成日放工都會好攰,但覺得人人都係咁,所以都冇特別留意」。
她說,腰痛初期曾自行塗藥膏止痛,但效果有限,最終都要求診。初時以為自己是腰痛,但檢查後才發現不但有寒背,頸部及肩膀也很僵硬,相信與長期坐姿不良有關,接受治療後腰痛舒緩,返工時她也會特別注意坐姿,如使用腳踏、避免側身向一邊、打字時手踭放枱面等。
易疲勞是警號
脊骨神經科醫學院基金代表李康詠脊醫表示,當頸、肩、腰都感到繃緊或者容易疲勞已經是警號,「但係好多嚟求診嘅OL都冇注意,佢哋好多時會話唔知點解突然之間痛,其實係日積月累嘅問題」。
當周末及周日放假休息也未能修復損傷,長期下來便會演變成痛症。她說,肩頸與腰的痛症很多時與關節錯位及肌肉纖維化留下疤痕有關,可透過矯正治療移正關節及放鬆肌肉。
■記者鍾麗霞