周六沙田八草兩泥賽事，草地用最狹窄之C加3跑道作賽，天文台預測天晴，估計場地掛牌為好至快地。上季首次用C加3欄係10月1日國慶賽馬日，當日十場賽事，一至四檔包辦過半數頭馬，可見內檔優勢甚大。至於跑法方面，「神奇小子」、「喜寶駒」、「有醒」及「桃花心」都係擺前建功，跑道狹窄對純後上馬極不利。
今戰列陣馬中，頭場「野外桃源」係全場唯一曾於田C加3欄勝出之出賽馬，均速馬窄場性能唔使懷疑，同場出馬唔多，俾佢且戰且走有權帶到。另外，七場「伽楠」五次跑C加3欄1400米，獲兩冠一亞一殿，僅一次不入前四名，賺形勢下可坐位望贏。
至於兩場泥地均跑1650米，今季兩場泥地賽放頭馬「麟轉乾坤」及「飛躍之駒」均不勝有位，故此四場「帶運伯樂」及六場「長勝勇將」等擅跑此程之均速前置馬可優先留意。