鑑於香港足球近日好受歡迎，所以江湖傳聞、聽講足總方面，有意或者可能喺北韓請一位教練嚟香港(好似係)，多組一隊新港隊「正嚇隊」。有見及此，《今日RIP》節目主持人紫青姐，即刻請咗奀正金教練進行獨家訪問。
奀教練指出，喺佢哋偉大領導嘅恩澤之下，門將將由確威武嘅「小露華」擔任，因為「小露華」可以引晒啲人用個波淨係對住佢嚟射，防守能力極高。而前鋒人選則有「Tree根」和「寵茂小精靈」，「Tree根」擅長用語言偽術迷惑對方，加上自創詞彙攻勢，容易將對方「fake晒」，真係好難捉摸呀！ 至於「寵茂小精靈」相信唔使多講，奀教練說：「當一隊球隊處於劣勢之際，忽然一聲『哎呀！』。到時候黃牌，紅牌，罰球，十二碼咩都有啦！呢啲叫技術性倒地。」
至於球證的人選方面，奀教練表示已自備私伙球證「金屬成」，因為佢出名公正嚴明。奀教練自言：「加上球證、旁證、足協、足委都係我嘅人， 你哋點同我打呀！？」對球隊充滿信心。