劉家良師傅祖傳的劉家拳在中國已有二百幾年歷史，但最近一位叫Jeremy Yau的男子分別於今年2月及3月在英國將「Lau」及「Lau Gar Kuen」申請商標註冊，有效期至2024年，已故一代洪拳宗師劉家良的徒弟Mark因為在英國教授劉家拳被入稟要求索償。
幸儀愛莫能助
劉家良的細女劉幸儀近年亦有跟Mark學習劉家洪拳，認為事件很不公平，她昨日在電話中話：「咁即係我想用自己個名去教功夫都唔得，因為『劉』字俾人trade mark咗，我諗外國人唔係好清楚『劉』係一個姓，所以俾佢成功註冊咗。」幸儀透露Mark等人因為冇錢打官司，擔心會敗訴，幸儀說：「據我所知Mark同另一個徒弟教拳一向冇收錢，喺英國、香港同中國都有教，佢哋係再早之前亦有用『Five Thunder Lau Kuen』商標註冊，但我哋係知道嘅。𠵱家佢哋突然收到律師信都好無奈，因為律師費好貴，自己係法律畢業，但因為我唔喺嗰邊（英國），冇law book都有啲困難，但會盡力幫忙。」幸儀覺得Jeremy的舉動有違爸爸傳揚中國功夫精神，她說：「爹哋係鍾意人哋學功夫，但唔係一個人操（控）晒。」
翁靜晶表示未有時間深入了解，但認為商標註冊未必一定啱，她說：「好似以前LV格仔都會輸。『劉』係一個好普通中國人姓氏，應該唔可能做商標，但最大問題係講緊有錢打官司同冇錢打官司嘅現象，有錢請律師贏嘅機會大好多，但有時啲嘢，唔係一定講法律，講常識都唔係幾合理。」
採訪：嵐山
