一提數碼通（315），大家可能只記得前icon總裁黎大鈞，但其實佢身邊有兩位合作多年嘅戰友，就係兩位執董鄒金根與陳啟龍，前者主要搞技術，後者睇住盤數。
之前數碼通話會喺公司搵人暫代黎大鈞個位，有人估計，掌櫃陳啟龍嘅機會高啲，結果隨住黎大鈞上月底離開公司，公司暫代總裁個位由鄒金根出任，令唔少人跌眼鏡。
近日聯交所資料顯示，陳啟龍上星期三至星期五連續3日行使認股權兼同日沽貨，數目當然無之前黎大鈞咁多，合計3日，陳啟龍一共行使咗41.4萬股，沽貨套現620萬元，獲利約88萬元。
呢個數話多唔多，話少唔少，不過華華反而有興趣想知陳啟龍沽貨原因，係個人財務需要？定係部署走更遠嘅路呢？