賭王何鴻燊四房兒子何猷亨之前曾傳過追求港姐劉佩玥，昨日有報道他另有新目標，指他為梁政珏的妹妹梁政欣（Yvonne）包場慶祝生日。本報記者昨日致電猷亨，他斷言否認緋聞：「兩個都唔關我事，絕對冇戀情關係，大家係朋友。同Yvonne識咗好多年，嗰晚我探完爹哋，約咗朋友食飯，純粹佢say hello，成班朋友諗住轉場，我就打算返屋企，由於佢哋多人，有啲搭的士，我咪做司機幫手車佢哋去下場，當中有男有女。」當中有指他新牌仔，指他飛車避記者，他無奈表示：「我係P牌仔，第一唔會亂揸車，第二知有記者跟住，我冇超速冇犯法。」
此外，梁政珏亦代妹妹Yvonne否認戀情：「梗係唔係喇，同埋妹妹唔係娛樂圈人，畀佢過番正常生活喇！」
採訪：唐如、小米