麥浚龍（Juno）繼三部曲《耿耿於懷》、《念念不忘》和《羅生門》後，千呼萬喚的外傳《雷克雅未克》昨派電台，由黃偉文（Ｗyman）撰寫的歌詞和45秒官方MV亦曝光，這首歌由Juno主唱feat.周國賢（Endy），Ｗyman昨在電話說：「呢隻歌如果唔擺莫文蔚上去，佢好似變咗配角，其實佢係正印，所以安排Juno去雷克雅未克搵謝安琪時，其實莫文蔚都去咗。至於周國賢嘅出場，想交代Juno呢種癡情漢全世界都有，周國賢有少少感覺好似《阿飛正傳》嘅梁朝偉，佢哋專登用一把好似嘅聲錄呢首歌，難分難解。」
黃偉文還踢爆王菀之呷醋：「當《雷克雅未克》歌名出來之後，王菀之打畀我呷醋同詐型，因為我哋好鍾意雷克雅未克，有次傾偈我話幫佢寫首歌叫《雷克雅未克》，自己20幾年嚟唯一一次反悔，真係唔好意思，欠佢一首好歌，賠番三首歌畀佢，起釘同利叠利先令皇后息怒。」
採訪：皓騫