勞基梳爾至少休戰半年，甚至收「咧」。曼聯季初防守體系瓦解，馬高斯盧祖（圖）表現有待觀察。對英軍來說明年歐國盃或缺梳爾這名正選左閘。
梳爾這次重傷，若養傷半年還可趕及季尾復出，但如果養傷長達八個月的話，他便緣盡今季賽事，亦很大可能踢不到歐國盃。梳爾受傷後，曼聯防線肯定變陣，季初正選的達美安、基斯史摩寧、戴利白蘭特及梳爾的四人組合，將在下周日訪修咸頓有改變。馬高斯盧祖雖可頂替梳爾，但領隊雲高爾傾向派白蘭特踢左閘，盧祖擔任左中堅。白蘭特踢左閘問題不大，但盧祖踢中堅卻無法予人信心，他踢法粗枝大葉，位置感差，雲帥要好好考慮防線佈陣。
除了曼聯外，英軍領隊鶴臣亦頭痕，因為另一名主力左閘巴尼斯長期受傷，最快11月復出，巴尼斯年底將滿31歲，未必能重回巔峯。若巴尼斯及梳爾未能出戰歐國盃，鶴臣就要考慮基蘭基比斯或丹尼路斯，但這兩人在球會都未能穩佔正選。
文：咖喱